Naýryz toılaý bizdiń qanymyzda bar - Gúlbahsha Musabaeva

PETROPAVL. QazAqparat - «Urpaq» qazaq mádenı-aǵartý ortalyǵynyń tóraıymy, zań ǵylymdarynyń kandıdaty Gúlbahsha Musabaeva QazAqparat tilshisine Soltústik Qazaqstanda ótetin Naýryz merekesiniń erekshelikteri týraly aıtyp berdi.

Naýryz meıramyn soltústikqazaqstandyqtar jyly kúndi kútpeı-aq toılaı beredi. Munda naýryz aıy kelse de jerde qar jatady, aıaz da bolady. G. Musabaevanyń aıtýynsha, bul - soltústiktegi Naýryzdyń birinshi ereksheligi.

«Naýryzdyń kelgenin bildiretin jasyl jelek, jylǵalar, qustardyń áni sııaqty tabıǵat qubylystary bizge áli jetken joq. Degenmen Naýryzdy toılaý bizdiń qanymyzǵa sińgendikten, týra kóktem kelgendeı qarsy alamyz. Tabıǵat oıana bastaǵanyn jan-tánimizben sezinemiz. Bul kún kóktemgi kún men túnniń teńelýi», - deıdi G. Musabaeva.

Barlyq óńirde Naýryzdy toılaýǵa erte bastan daıyndyq júredi.

«Ejelden qazaq halqy Naýryzǵa deıingi jeti kúndi oǵan meıramǵa daıyndalyp, turmysty retke keltirýge arnap kelgen. Bul kezde meıramǵa, qonaqtarǵa arnap kórpeler tigiledi. Soltústiktegi Naýryzdyń taǵy bir ereksheligi sol, munda ońtústiktegi sekildi ósimdik áliptes bederler kóp emes, esesine kıiz úılerdi bezendirýge teriden jasalǵan buıymdar kóbirek paıdalanylady», - deıdi ol.

Naýryz qarsańynda týystarmen bas qosyp, merekeni toılaý josparyn aqyldasady.

«Bizdiń oblysta Naýryz kúnderi shańyraq kóterip, toı ótkizý dástúri saqtalǵan. Kún men tún teńelgen tusta otaý qurýdyń sımvoldyq máni bar. Kópshilik tusaý keser toıyn ótkizedi - osynyń biri bizdiń óńirdiń Naýryzdy toılaý ereksheligi», - deıdi G. Musabaeva.

Onyń aıtýynsha, Naýryz barlyq ulttar men ulystardyń basyn qosyp, yntymaǵyn jarastyratyn mańyzdy meıramǵa aınalǵan.

Avtor: Olesıa Jýkoven