Naýryz meıramynyń oralǵanyna 25 jyl toldy

ALMATY. QazAqparat - Qazaqstanda Naýryz ulttyq meıramy 25 jyl buryn resmı túrde toılana bastady. Bul derekterdi QR Prezıdenti muraǵatynyń baspasóz qyzmeti keltirdi.

Aıta ketý kerek, Naýryzdy toılaýǵa 1926 jyldan bastap keńes úkimeti «eskiliktiń sarqynshaǵy» degen jeleýmen tyıym salǵan bolatyn.

Dinı mereke bolmaǵanmen, Naýryzda ateıstik úgit-nasıhat júrgizilip, dinı qyzmetkerler jappaı qýdalaýǵa ushyrady.

1929 jyly jańa jyldy toılaýǵa tyıym salynyp, 1935 jyly ol merekege qaıta ruqsat etilip, 1947 jyldyń 1 qańtarynan KSRO-nyń demalys jáne mereke kúni dep tanylsa, Naýryz meıramy týraly halyq kóp ýaqytqa umytýǵa májbúr boldy.

Naýryz 1980 jyldardyń sońynda halyqqa qaıta orala bastady.

1991 jyldyń 15 naýryzyndaǵy Qazaq KSR Prezıdentiniń jarlyǵymen ol resmı mereke retinde bekitildi.

Sodan beri 22 naýryzda Naýryz meıramy toılanady.

«Bıyl Naýryzdyń oralǵanyna 25 jyl toldy. Muraǵat sórelerinde kóptegen qyzyqty qujattar saqtalǵan. 1920 jyldardaǵy tyıym salynǵan qujattar men Qazaq KSR Prezıdentiniń 1991 jylǵy jarlyǵy bar. Bul oqıǵalardy jastardyń kóbi bile bermeıdi. Ol tarıhqa aınalyp ketti. Dál sol jyldary Táýelsiz Qazaqstannyń negizin qalaýǵa baǵyttalǵan shuǵyl zań aktileri men qujattar, saıası sheshimder, shuǵyl reformalar qabyldandy», - dedi QR prezıdenti Muraǵatynyń dırektory Borıs Japparov.