Naýryz meıramynda Almatyǵa álemniń 6 elinen 170 qolónershi keledi
Jańa jyl ulttyq dástúrdegi halyq serýenderinen bastalady. Onda shetelden kelgen qolóner sheberleri de bolady.
Túrkııadan kelgen qolónershiler ádemi ydys-aıaq pen shyny áshekeı jasaýdy úıretse, ıakýt zergerleri asyl tastar týraly baıandaıdy. Al qyrǵyz sheberleri erlerge at ábzelderin jasaýdy úıretetin bolady. Buǵan qosa sheberler qyshqa jáne jibek mataǵa ózbek naqyshyndaǵy oıý-órnek salýdy, áıgili túrikmen kilemin toqýdy úıretedi.
Kórmege kelýshiler jańa ǵana ustanyń qolynan shyqqan mýzykalyq aspaptarda oınaıtyn bolady.
Almaty, Petropavl, Aqtaý men Túrkistannan kelgen sheberler temirden, qyshtan, kıiz ben aǵashtan jasalǵan óz buıymdaryn tanystyrady. Kórmege jibekten, jún men barqyttan tigilgen kıimder qoıylady.
Merekeni uıymdastyrýshylar jastardy da nazardan tys qaldyrmady.
«Jastar jyly» aıasynda perfomanstar, ulttyq naqyshtaǵy zamanaýı óner kórmeleri qoıylyp, súıikti ártister óner kórsetedi.
Aıta keteri, tórt kúnge sozylatyn mereke kúnderi qala turǵyndary men qonaqtary túrli kontsertter, jármeńkeler men festıvalderdi tamashalaı alady. Olar Astana alańynda, Panfılov pen Jibek joly kóshelerinde, «Atakent» kórme kesheninde, «Almaty Arena» men «Halyq Arena» sport keshenderi mańynda, sondaı-aq «Suńqar» halyqaralyq shańǵy tramplınderi kesheninde ótedi:
22-23 naýryz - Astana alańy;
21-24 naýryz - Panfılov, Jibek joly kósheleri;
22 naýryz - «Nalyk Arena» Muz aıdyny kesheni;
22 naýryz - «Almaty Arena» Muz saraıy;
22 naýryz - «Atakent» QІYO;
23 naýryz -«Suńqar» Halyqaralyq shańǵy tramplınderi kesheni.