Naýryz meıramy: Qazaqstandyqtarǵa úndeý jasaldy
«Biz, sanıtarlyq-epıdemıologııalyq baqylaý qyzmetiniń mamandary retinde aldaǵy merekelik demalys kúnderin otbasylyq ortada ǵana ótkizýge keńes beremiz. Barys-kelisti azaıtyp, buqaralyq sharalarǵa barmaýǵa jáne uıymdastyrmaýǵa, adamdar kóp jınalǵan oryndarǵa bas suqpaýǵa keńes beremiz», - delingen habarlamada.
Komıtet ókilderi Ulys kúnine arnalǵan kontsertter men qoıylymdardy, kórmeler men aıtys saıystaryn onlaın formatta ótkizgen durys dep otyr.
«Qazaqstannyń memlekettik bas sanıtar dárigeriniń Qaýlysy boıynsha ókizýge ruqsat etilgen sharalar barlyq sanıtarlyq-epıdemıologııalyq talaptardy saqtaı otyryp, adamdardyń shoǵyrlanýyna jol bermeıtindeı etip uıymdastyrylýy kerek», - deıdi mamandar.
Komıtet mamandary sharalardy ótkizý múmkindigi jergilikti óńirdiń qaı aımaqqa jatqyzylǵanyna baılanysty ekenin eske salady. ıAǵnı, «qyzyl aımaqtaǵy» óńirlerde kez kelgen shara ótkizýge tyıym salynǵan. «Sary aımaqtarda» shara ótetin oryn 20%, «jasyl aımaqtarda» 30% ǵana tolýy kerek.
«Kúres, aýdaryspaq sııaqty adamdardy bir-birimen janastyratyn sporttyq sharalar ótkizýge bolmaıtynyn eske salamyz. Ýlanýdyń aldyn alý úshin qoǵamdyq shara ótken jerde as ázirlep, ishýge de tyıym salynǵan. Qurmetti qazaqstandyqtar! Osy bir shýaqty merekeni et jaqyndaryńyzben birge úıde ótkizip, ózderińizdi saqtańyzdar» - deıdi sanıtarlyq-epıdemıologııalyq baqylaý qyzmeti.