Naýryz merekesine taldyqorǵandyq jastar erekshe tartý jasady
16:37, 23 Naýryz 2018
TALDYQORǴAN. QazAqparat - Taldyqorǵan qalasynyń jastary Naýryz merekesinde qala turǵyndary men qonaqtaryna erekshe tartý jasady. Olar qala kóshelerine shyǵyp, án shyrqap halyqqa merekelik kóńil-kúı syılady, dep habarlaıdy QazAqparat tilshisi.
Merekelik aktsııany qaladaǵy jastarǵa qyzmet kórsetý ortalyǵy uıymdastyrdy. Sharaǵa joǵary jáne arnaıy orta oqý oryndarynan 40-tan astam erikti qatysty. Olar qala kóshelerinde dombyramen án aıtyp, kúı shertip halyqtyń kóńilin aýlady. Ulttyq kıim kıgen jastardyń bir toby qoǵamdyq kólikterde halyq ánderin shyrqasa, endi bir toby ortalyq kóshelermen ándete júrip ótti. Mundaǵy basty maqsat barsha jurtqa Naýryz merekesiniń kelgenin súıinshilep, qýanyshqa bóleý, - deıdi oblystyq jastarǵa qyzmet kórsetý ortalyǵynyń dırektory Baqtııar Jaqsygeldınov.
2 mln turǵyny bar Almaty oblysy halqynyń úshten bir bóligin jastar quraıdy. Olar merekeler men qoǵamdyq jumystarda osyndaı kraetıvti ıdeıalarymen jáne belsendiligimen erekshelenýge tyrysyp baǵýda.