Naýryz merekesine oraı Qaraǵandy teatrynda Qojanasyr týraly shyǵys ertegisi qoıyldy

QARAǴANDY. QazAqparat – 14 naýryzda K. S. Stanıslavskıı atyndaǵy Qaraǵandy orys drama teatrynda premera ótedi. Kórermender Daǵystan tarıhshysy, jazýshysy, aqyn jáne dramatýrg Shapı Qazıevtiń pesasy boıynsha «Qojanasyrdyń altyn esegi» atty mýzykalyq ertegisin tamashalaıdy.

Kóńildi Shyǵys qoıylymy jas qaraǵandylyqtarǵa Naýryz merekesine arnalǵan syılyq.

«Bul jaqsylyq pen dostyq, zulymdyq pen tapqyrlyqqa qarsy kúres jáne ádilettilik árqashan jeńiske jetetini týraly áńgime. Meni Shyǵys mádenıeti qyzyqtyrady. Shyǵys ertegileri - sıqyrly, óz fılosofııasyn alyp júr», - dep sanaıdy qoıýshy rejısser Denıs Tsvetkov.

Teatrda ol akterlik jáne rejısserlik qyzmetti birge alyp júredi. Osyǵan deıin tórt spektakl qoıǵan. Jas kórermender men olardyń ata-analaryna «Men ıt bolǵym kelmeıdi» ertegisimen tanymal.

Denıs Tsvetkov «Qojanasyrdyń altyn esegi» spektakliniń jumysy týraly aıtyp berdi. Olar ertegini qysqa merzimde qoıa alǵan. Spektakldi qoıýǵa buıryq shyqqannan aldyn-ala kórsetilimge deıingi aralyq protsess bir aıǵa jýyq ýaqyt alǵan. Kıimder kostıýmder tsehynda tigildi. Dekoratsııalar jasaldy. Qoıýshy sýretshi Zınaıda Kazakovskaıanyń arqasynda sahnada Shyǵys saraıy «salyndy».

Spektaklde Shyǵys halyqtarynyń mýzykasy oryndalady. Ánder úsh avtordyń sımbıozy: rejısser Denıs Tsvetkovtyń ózi, Shapı Kazıev jáne «Qojanasyr týraly áńgime» jazǵan Leonıd Solovev.

Horeograf Irına Nıkolaeva shyǵys bılerin qoıdy. Qojanasyrdy Pavel Kondratev oınady. Tapqyr molla óziniń kelini Fátımany (Ázıza Zeınesheva) aılaker han (Vadım Ahmetov) men onyń atqosshylaryn (Aleksandr Tısen, Artem Jáńgirov) qutqarady. Qojaǵa adal esegi (Anton Zvonov) kómektesedi.