Naýryz merekesinde ujymdyq korporatıv ótkizý usynyldy

NUR-SULTAN. QazAqparat - Jańa tujyrymdamada ujymdyq korporatıvterdiń Naýryz meıramynda ótkizý usynylady. Bul týraly Ortalyq kommýnıkatsııalar qyzmetinde ótken «Naýryz meıramyn merekeleýdiń jańa tásilderi» taqyrybyndaǵy brıfıngte aıtyldy, dep habarlaıdy QazAqparat tilshisi.

«Qazaqstan damý ınstıtýty Ulystyń uly kúnin merekeleýdiń jańa formatyn ázirledi. Tujyrymdamanyń erekshelikteri - Naýryz merekesi toǵyz kún ishinde ótkiziledi. Sonyń ishinde alty kún - daıyndyq kúnderi, al negizgi atap ótý kúnderi - 21-22 naýryz», - deıdi «Rýhanı jańǵyrý» qazaqstandyq qoǵamdyq damý ınstıtýty janyndaǵy Rýhanı jańǵyrý ortalyǵynyń basshysy Janar Buqanova.

Ol Naýryzdy merekeleýge «Rýhanı jańǵyrý» baǵdarlamasynyń komponentteri engizilgenin aıtty.

«Áz-Naýryz merekesin otbasylyq deńgeıde atap ótýge mán berilgen. Jańa tujyrymdamada ujymdyq korporatıvterge Naýryz meıramyn merekeleý usynylady. Sonymen qatar, marapattaý rásimin de osy meıramda ótkizý kerek», - deıdi ol.