Naýryz merekesinde qyzylordalyqtarǵa tutas jańa aýdan syıǵa tartyldy

QYZYLORDA. QazAqparat - Qyzylorda oblysynda qalyptasqan ıgi dástúr boıynsha Naýryz merekesinde 12 kópqabatty úıden turatyn taǵy bir jańa móltekaýdan paıdalanýǵa berildi, dep habarlady QazAqparat HAA tilshisi.

 Jańa móltekaýdanda 580 otbasy turatyn bolady. Budan bólek «Tıtov» shaǵynaýdanynda apatty jaǵdaıdaǵy úılerdiń ornyna 100 páterlik kópqabatty 2 turǵyn úı salynyp, paıdalanýǵa berildi.

 

Oblys ákimi Qyrymbek Kósherbaev jınalǵandardy Naýryz merekesimen quttyqtap, qurylysshylarǵa jemisti eńbekteri úshin rızashylyǵyn jetkizdi.   

- Elbasy tapsyrmasymen bıyl «Nurly jer» memlekettik baǵdarlamasy iske asyrylady, onyń aıasynda  elimizde aldaǵy 15 jylda 1,5 mıllıon  otbasyn turǵyn úımen qamtamasyz etý kózdelýde. Bul maqsatty júzege asyrý isinde de Syr eli kóshbasshylar qatarynda  bolatyndyǵyna kámil senimdimin,- dedi aımaq basshysy.

 

Aıta keteıik,  sońǵy 4 jylda qalamyzda jańadan 11 shaǵynaýdan boı kóterip, 7 myńnan astam otbasy baspanaǵa qol jetkizdi. Qurylys jumystary  barysynda 20 myńnan asa adam jumyspen qamtyldy.

 

-  Jyl ótken saıyn turǵyndar sanynyń, onyń ishinde jas otbasylardyń qatary artyp kele jatqandyǵy qýantady. Sońǵy 2 jylda 5250-deı jup nekege turǵan bolsa, jańa jyldan beri 500-deı jas shańyraq ıeleri otaý qurdy.  Bul - qyzylordalyqtardyń óz eline, bolashaqqa jáne Elbasy saıasatyna senimmen qaraıtyndyǵynyń aıqyn belgisi,- dedi oblys ákimi.