Naýryz merekesinde Astanada qandaı sharalardy tamashalaýǵa bolady

ASTANA. QazAqparat - Astana qalasy ákiminiń baspasóz hatshysy Elvıra Júrgenbaeva Naýryz merekesine oraı Astanada qandaı mádenı jáne buqaralyq sharalar ótetinin jarııalady, dep habarlaıdy QazAqparat tilshisi.

Elorda ákimdiginiń habarlaýynsha, Naýryz meıramyn aýqymdy sıpatta atap ótý 15 naýryzdan bastalyp ketedi. Erteń, ıaǵnı 15 naýryz kúni astanalyqtar men qala meımandary «Astana» kontsert zalynda «Uly dala ulaǵaty» atty qazaq halqynyń salt-dástúrine arnalǵan mýzykalyq teatrlandyrylǵan qoıylymdy tamashalaı alady.

15 naýryzdan keıin apta boıy birqatar sharalar uıymdastyrylatynyn atap ótý kerek. Qalanyń mádenı jáne sporttyq nysandarynda kórmeler men serýender, kontsertter men epıkalyq dramalar ótedi.

21-22 naýryz kúnderi «Qazaq eli» monýmenti aldyndaǵy alańda Naýryz meıramyna arnalǵan merekelik kontsert ótedi.

Naýryz meıramyna oraı elordada ótetin tolyqqandy sharalar legin tómendegi sýretterden kórýge bolady.