Naýryz kóje qalaı jasalady?

ASTANA. QazAqparat - Naýryz kóje - Ulystyń uly kúni jasalatyn qasıetti as. Oǵan tary, arpa, bıdaı, burshaq, kúrish sııaqty jeti túrli dán men aq qosylady. Túrki halyqtarynyń uǵymynda jeti sany qasıetti sanalǵandyqtan, naýryz kójege jeti túrli dám qosylady. Oǵan qosa, ol - toqshylyq pen yrys quttyń joralǵysy.

Tómende naýryz kójeniń daıarlaný úlgisin usynyp otyrmyz.

Quramy: 1 keli et
Qazy, qarta
100 gramm bıdaı
100 gramm kúrish
100 gramm jarma (perlovka)
100 gramm tary
Tuz
3 lıtr sý
1 lıtr aıran

Qazanǵa sý quıyp, et, qazy-qartany salyp, qaınatyńyz. Alǵash qaınaǵanda sorpanyń kóbigin alýdy umytpańyz. 1,5-2 saǵattaı qaınatyp, etti súzip alyńyz. Endi dánderdi jaqsylap jýyp, birinshi bıdaıdy salyp, 5 mınýt qaınatyńyz. Ekinshi jarmany jáne kúrishti salyp,. 5 mınýt qaınaǵan soń, taryny salyńyz. Talǵamyńyzǵa qaraı tuzdańyz. Dánder pisip boldy-aý degende ottan túsirip, salqyn jerge qoıyńyz. Qazannan túsirilgen etterdi usaqtap týrap, barlyǵyn sorpaǵa aıranmen qosyp aralastyryńyz.

Naýryz kóje ishilerde aqsaqaldar:

Qaryq qyp qutty Naýryz,
Qazanǵa tolsyn sary ýyz.
Qaınasyn Naýryzkóje de,
Toltyryp ishkeı keseńe.
Ulystyń uly kúninde,
Kóppenen birge kúlimde.
Kóbeısin jańa dostaryń,
Molaısyn elge qosqanyń.
Jarasyp kóńil hoshtyǵy,
Bekisin halyq dostyǵy.
Іshinde júrse azǵana,
Shaıylsyn ókpe, naz-nala.
Aldyǵa syımaı sábıler,
Qushaǵyn jaısyn jańa úıler.
Jastardyń samsap otaýy,
Meıirim tóksin Otany.
Áspettep ata dástúrin,
Ásem bop óssin jas býyn.
Kirbiń tartpasyn káriler,
Baryńnyń dámdi nárin ber! - dep bata bergen.

Aqparat ǵalamtordan alyndy.