Naýryz ben qazaqtyń ulttyq taǵamdaryn jaqsy kóremin - «Barys» shabýylshysy Brendon Bochenskı
- Brendon, Siz elordalyq "Barys" klýbynda tórtinshi jyl qatarynan óner kórsetip júrsiz. Osy aralyqta qazaqtyń salt-dástúrlerimen, jergilikti mádenıetpen jáne meıramdarymen tanysyp úlgerdińiz be?
- Qazaqstanda kóp jyl jumys istep júrgenime qaramastan, men jergilikti jerdiń meıramdaryn qolymnan kelgenshe etene tanýǵa tyrysyp baǵamyn. Sebebi meniń otanymdaǵy merekelerge qaraǵanda Qazaqstanda olardyń sany áldeqaıda kóp eken. Jaqynda ǵana 8 Naýryz ótken sııaqty edi, endi mine, Naýryz meıramy da kelip qaldy. Qysqasy dýman kóp. Shynyna kelsek, bizde ýaqyt az, meıramdar tasada qalyp jatady kóp rette, jattyǵýlardan qolymyz bosamaıdy. Degenmen meniń qazaq dostarym ulttyq salt-dástúrler jaıynda áńgimeleıdi, men úshin óte qyzyq, Qazaqstannyń mádenıeti de san túrli.
- Ádette Naýryz meıramyn qalaı atap ótesiz?
- Sóz joq, ol tamasha meıram. Shamam kelgenshe toılaýǵa tyrysamyn. Ol týraly kóp bilemin dep aıta almaımyn, degenmen ony mindetti túrde atap otyramyn. Bıyl Naýryzdy toılaı almaıtyn shyǵarmyn. Sebebi bizdiń komanda Gagarın kýboginde pleı-offtyń ekinshi kezeńine ótti. Ondaǵy qarsylasymyz óte azýly ujym. Biz osy jetistikke shyǵý úshin kóp kúsh jumsadyq, biraq negizgi jumys áli aldymyzda.
- Siz unatatyn qazaq taǵamdary bar ma?
- Ulttyq taǵamdardyń dámin talaı ret tatqam. Qazaq taǵamdary maǵan óte unaıdy. Sonyń ishinde asylǵan et dese janymdy beremin. Kóp jedim etti. Meni qonaqqa jıi shaqyrady, sol kezde biraz raqattanyp qalamyn.
- Naýryzda qazaqstandyqtarǵa qandaı tilek aıtasyz?
- Osy ataýly kúnde Qazaqstan turǵyndaryna jaqsylyq, baqyt pen sáttilik tileımin!
- Rahmet! "Salavat ıÝlaev" komandasyn jeńýge tilektespin!