Naýryz aıynda Qazaqstanda turǵyn úı salasynda kelisimsharttardy jasaý 10 paıyzǵa tómendedi - Statıstıka
11:39, 13 Sáýir 2012
ASTANA. 13 sáýir. QazAqparat - Bıylǵy naýryzda Qazaqstanda turǵyn úıdi satyp alý jáne satý baǵytyndaǵy kelisimder 11 630-dy qurady.
Aqpan aıymen salystyrǵanda mundaı kelisimder 10,4 paıyzǵa tómendegen. Bul týraly búgin QR Statıstıka agentiginde málim boldy.
Taratylǵan málimetterge qaraǵanda, 2012 jylǵy qańtar-naýryz aılarynda ótken jyldyń sáıkes kezeńimen salystyrǵanda turǵyn úıdi satý jáne satyp alý jónindegi kelisimder 16,4 paıyzǵa artyp otyr.
Statıstıkalyq málimetter boıynsha Aqmola oblysynda osyndaı 623 kelisim tirkelse, Almaty oblysynda 1090, Ońtústik Qazaqstan oblysynda 1105, Astanada 776 bolsa, sondaı-aq Almatyda 1657 kelisim tirkeldi.