Naýryz aıynda ınflıatsııa barlyq óńirde baıaýlady - Ulttyq bank

ASTANA. QazAqparat - Qazaqstan Ulttyq banki QR óńirlerindegi ınflıatsııa jaıly derekterdi jarııalady, dep habarlaıdy QazAqparat.

2023 jyldyń naýryz aıynda elde jyldyq ınflıatsııa 18,1%-dy qurap (aqpanda – 21,3%), barlyq óńirde baıaýlady.

Jyldyq ınflıatsııanyń eń joǵary máni Mańǵystaý oblysynda, Astana qalasynda jáne Soltústik Qazaqstan oblysynda tirkeldi.

Naýryzda azyq-túlik taýarlarynyń baǵasy j/j 20,5%-ǵa deıin (aqpanda – 26,2%) baıaýlady.

Osy topqa jatatyn taýarlardyń baǵasy Mańǵystaý oblysynda (26,8%) barynsha tez, al Almaty qalasynda (18,7%) meıilinshe baıaý ósti.

Azyq-túlikke jatpaıtyn taýarlar baǵasynyń ósý qarqyny j/j 18,1%-ǵa deıin báseńdedi (aqpanda – 20,5%).

Eń joǵary mán Astana qalasynda (28,7%), eń tómengi mán Almaty oblysynda (13,6%) tirkeldi.

Naýryzda aqyly kórsetiletin qyzmetterdiń baǵasy j/j 14,4%-ǵa deıin baıaýlady (aqpanda – 15,0%). Bul rette baǵa jalpy respýblıkalyq deńgeıden Aqmola, Mańǵystaý jáne Ulytaý oblystarynda (17,8%-dan) birshama tez, Astana qalasynda (11,0%) aıtarlyqtaı baıaý ósti.

2023 jylǵy naýryzda elde aılyq ınflıatsııa 0,9%-ǵa artty. Bul tarıhı ortasha mánnen (2017-2021 jyldary naýryzda 0,6%) joǵary.