Naýryznama: Astanada kitap kórmesi ashyldy

<p>QR Ulttyq akademııalyq kitaphanasynda Mádenıet jáne ulttyq dástúrler kúnine arnalǵan &laquo;Ejelgi merekeniń máńgilik qundylyqtary&raquo; atty kitap kórmesi ashyldy. Bul týraly Astana qalasy ákimdiginiń baspasóz qyzmeti habarlady.</p>

Kórmede Shyǵys elderindegi Naýryz merekesi, tarıh jáne mádenı dástúrler týraly jarııalanymdar usynyldy.

«Bıyl Naýryz meıramy elimizde jańa baǵytta atap ótilip jatyr. Merekelik is-sharalar Kórisý kúnimen bastaldy, oǵan bizdiń kitaphana qyzmetkerleri belsendi qatysty.15 naýryzda kórme ashyldy. Naýryznamanyń onkúndiginde kitaphanada taqyryptyq is-sharalar ótkiziledi», – dedi Ulttyq akademııalyq kitaphananyń aqparattyq mádenı baǵdarlamalar qyzmetiniń jetekshisi Kúlásh Orazova.

Uıymdastyrýshylardyń aıtýynsha, kórme kelýshiler úshin kún saıyn saǵat 09:00-den 18:00-ge deıin ashyq jáne naýryz aıynyń sońyna deıin jalǵasady.