Naýryzbaı qajy Taǵanuly Bas múftı laýazymyna qaıta saılandy

<p>ASTANA. KAZINFORM &ndash; Búgin Astana qalasynda ótken Qazaqstan musylmandarynyń H Quryltaıynda QMDB Tóraǵasy, Bas múftı laýazymyna Naýryzbaı qajy Taǵanulynyń kandıdatýrasy usynyldy.</p>

QMDB baspasóz qyzmetiniń málimetinshe, Quryltaıǵa jınalǵan 300-ge jýyq delegat osy kandıdatýraǵa biraýyzdan daýys berip, qoldaý kórsetip, Naýryzbaı qajy Taǵanulyn Bas múftı laýazymyna qaıta saılady.

- Quryltaıǵa elimizdiń ár oblysynan kelgen 300-ge jýyq delegat meniń kandıdatýrama daýys berip, senim bildirip, Bas múftı laýazymyna qaıta saılady. Bul senimdi abyroımen aqtaýǵa bar kúsh-jigerimdi jumsaımyn. Josparlap otyrǵan birqatar jumystarymyz bar. Máselen, aldaǵy 2025 jyly Qazaqstan musylmandary dinı basqarmasynyń derbes múftııat bolyp qurylǵanyna 35 jyl tolady. Mereıtoı aıasynda jospardaǵy kóptegen ıgi isterdi jurt bolyp jumylyp, halyq bolyp birigip atqarýǵa barshańyzdy shaqyramyn, - dedi QMDB Tóraǵasy, Bas múftı Naýryzbaı qajy Taǵanuly jýrnalısterge bergen suhbatynda.

Aıta keteıik, Naýryzbaı qajy Taǵanuly QMDB Tóraǵasy, Bas múftı laýazymyna ekinshi ret saılanyp otyr.

Naýryzbaı qajy Taǵanuly 1977 jyldyń 13 naýryzynda dúnıege kelgen.

1993-1997 jyldary Tashkentte «Imam Ál-Buharı» atyndaǵy Islam ınstıtýtynda oqyp, joǵarǵy dinı bilim alǵan.

1999-2001 jyldary QMDB janyndaǵy Islam ınstıtýtynda oqyǵan.

2009 jyly Mysyr Arab Respýblıkasynda dinı bilimin jetildirgen.

2010 jyly Abaı atyndaǵy Almaty Memlekettik ýnıversıtetiniń «Tarıh» mamandyǵy boıynsha syrttaı oqyp, joǵary bilim alǵan.

2011-2013 jyldary atalǵan ýnıversıtettiń «Dintaný» mamandyǵy boıynsha magıstratýrasyn bitirgen.

2017-2020 jyldary «Nur-Múbarak» Egıpet ıslam mádenıeti ýnıversıtetinde «Islamtaný» mamandyǵy boıynsha PhD doktor dárejesin qorǵady.

Aıta keteıik, Túrkitildes memleketterdiń múftıler alqasy rýhanı-dinı konsýltatıvtik-keńesshi organ retinde birqatar bastamaǵa muryndyq bola alady. Bul týraly QMDB tóraǵasy Naýryzbaı qajy Taǵanuly Túrkistan qalasynda ótip jatqan «Múftıler alqasynda» málim etti.