«Naýryz» ıpotekasyn alý úshin upaı qalaı esepteledi

<p>ASTANA. KAZINFORM &ndash; &laquo;Otbasy banktiń&raquo; baspasóz qyzmeti &laquo;Naýryz&raquo; turǵyn úı baǵdarlamasy boıynsha ıpoteka alý úshin upaı qalaı esepteletinin túsindirdi.</p>

«Upaılar qalaı esepteledi?

- salym boıynsha syıaqy mólsheri - árbir 1 000 teńge úshin 1 upaı;

- tirkelgen nekeniń bolýy - 5 upaı;

- balalardyń bolýy - 10 upaı (balalar sanyna qaramastan);

- halyqtyń áleýmettik osal toptary (HÁOT) mártebesiniń bolýy - 10 upaı;

- 35 jasqa deıingi jas (qosa alǵanda) – 5 upaı», - dep jazylǵan resmı málimette.

Al eger eki qatysýshynyń upaılar teń bolyp qalsa, qatysýshylar tizimine salym somasy kóp jáne jınaqtaý merzimi uzaǵyraq adam kiredi.

«Saralaýdan keıin klıentter bank saıtynda «Naýryz» baǵdarlamasyna ótken úmitkerler tizimin kóre alady. Sondaı-aq, olardyń nesıe alýǵa taǵy eki aı ýaqyty bolady.

Otbasy bank osy ýaqyt aralyǵynda, bar bolǵan jaǵdaıda, tutynýshylyq nesıelerdi óteýge keńes beredi, esesine sodan keıin qaryzdy maquldaý múmkindigi kóbirek bolady. Shynynda da, tólem qabilettiligin esepteý kezinde sońǵy 6 aıdaǵy resmı tabys qana emes, sonymen qatar otbasyna jumsalatyn mindetti shyǵyndar, sondaı-aq nesıeler boıynsha tólemder de eskeriledi.

Zaem boıynsha oń maquldaý alǵan úmitkerdiń baspana izdeýge 6 aı ýaqyty bolady», - delingen resmı aqparatta.

«Naýryz» baǵdarlamasynyń negizgi sharttary:

- alǵashqy jarna - 20%-dan bastap;

- turǵyn úı kezeginde turǵan azamattardyń áleýmettik osal sanattary úshin kredıt boıynsha mólsherleme - 7% (JTSM 7,3%-dan 8,9% deıin);

- azamattardyń barlyq sanattary úshin kredıt boıynsha mólsherleme - 9% (JTSM 9,3%-dan 11,8% deıin);

- nesıe merzimi - 19 jylǵa deıin.

Eske salaıyq, keshe «Naýryz» turǵyn úı baǵdarlamasyna ótinim qabyldaý bastalǵan bolatyn. 

Public Policy Research Center úkimettik emes taldaý ortalyǵynyń dırektory Merýert Mahmutova Kazinform tilshisine bergen suhbatynda «Otaý» jáne «Naýryz» baǵdarlamasy kimderge tıimdi ekenin aıtqan edi.