«Naýryz» baǵdarlamasy: Upaı sany qalaı esepteledi

<p>ASTANA. KAZINFORM &ndash; &laquo;Naýryz&raquo; baǵdarlamasyna ótinim qabyldaý maýsym aıynyń sońyna deıin uzartyldy. Bul týraly &laquo;Otbasy bank&raquo; AQ basqarýshy dırektory - Ortalyq fılıal dırektory Jansultan Mataı aıtty.</p>

«Qatysýshylardy dúrliktirmeý úshin ótinimderdi qabyldaý merzimi barynsha uzartyldy. Úmitkerlerdiń maýsym aıynyń sońyna deıin bir jarym aı ýaqyty bar. ıAǵnı, ótinimdi birinshi kún ne sońǵy kúni berseńiz de esh aıyrmashylyǵy joq. Nátıjesi ótinimderi qabyldaý aıaqtalǵannan keıin shyǵaramyz», - dedi ol Ortalyq kommýnıkatsııalar qyzmetindgi brıfıngte.

Sonymen qatar Jansultan Mataıdyń aıtýynsha, ótinim berýshilerdiń upaıy tómendegideı eseptelinedi:

- salym boıynsha syıaqy mólsheri - árbir 1 000 teńge úshin 1 upaı;

- tirkelgen nekeniń bolýy - 5 upaı;

- balalardyń bolýy - 10 upaı (balalar sanyna qaramastan);

- halyqtyń áleýmettik osal toptary mártebesiniń bolýy - 10 upaı;

- 35 jasqa deıingi jas (qosa alǵanda) – 5 upaı.

«Eger qatysýshylardyń upaı sany sáıkes kelse, onda tizimge engizý kezinde basymdyq salym somasy kimde kóp jáne jınaqtaý merzimi uzaqtaý bolsa, soǵan basymdyq beriledi. Saralaýdan keıin bank saıtynda «Naýryz» baǵdarlamasy boıynsha ótinim berýshilerdiń, atap aıtqanda qatysýshylar pýlyna engen, upaı sany boıynsha ótpegen adamdardyń tizimi tolyq jarııalanady. Pýlǵa kirgen qatysýshylardyń nesıege ótinim berýge taǵy 2 aı ýaqyty bar. Zaem boıynsha oń maquldaý alǵan úmitkerlerge baspana izdeýge 6 aı ýaqyt beriledi», - dedi ol.