«Naýryz» baǵdarlamasy: 17 myńnan astam azamat ótinim berdi
«Naýryz» baǵdarlamasyna ótinimder jumys kúnderi saǵat 9.00-den 21.00-ge deıin qabyldanady. 10 mamyrdaǵy jaǵdaı boıynsha qazaqstandyqtar barlyǵy 17 432 ótinim joldady. Onyń ishinde 8 945 ótinim sátti qabyldandy. Olardyń jartysy – 3 955 ótinim turǵyn úıge kezekte turǵan halyqtyń áleýmettik osal toptarynyń ókilderinen tústi. Olar: kópbalaly otbasylar, jetim balalar, turǵyn úıi apatty dep tanylǵan azamattar. Eger genderlik bóliste qaraıtyn bolsaq, onda ótinimderdiń 57 paıyzyn áıelder joldaǵan. Bul rette barlyq ótinim berýshilerdiń 62 paıyzy – 35 jasqa deıingi jastar. Eń jas ótinim berýshi Túrkistan oblysynda turady. Ol – 18 jastaǵy turǵyn», - dedi ol Ortalyq kommýnıkatsııalar qyzmetindgi brıfıngte.
«Otbasy bank» AQ basqarýshy dırektory - Ortalyq fılıal dırektory Jansultan Mataıdyń aıtýynsha, Astana, Almaty jáne Shymkent qalalarymen qatar turǵyn úı satyp alý úshin eń kóp ótinimdi Aqmola men Almaty oblystary turǵyndary bergen.
«1 436 ótinim qabyldanbaı, keri qaıtaryldy. Negizgi sebep – klıentterdiń depozıtterinde 1 mln teńge mólsherindegi qajetti soma joq bolyp shyqty. Bul «Naýryz» baǵdarlamasyna qatysýdyń negizgi sharttarynyń biri. Sondaı-aq, turǵyn úıi bar adamdardyń da ótinimderi qabyldanbady. Taǵy 5 008 ótinim joldaný protsesinde. ıAǵnı, memlekettik derekqorlarmen sáıkestendirý júrgizilýde jáne júıe ótinimderge ETsQ kómegimen úmitkerlerdiń qol qoıýyn kútip otyrmyz», - dedi Jansultan Mataı.
Aıta keteıik, «Naýryz» baǵdarlamasynyń sharttary boıynsha alǵashqy jarna 20 paıyzdan bastalady. Al nesıe merzimi – 19 jylǵa deıin. Turǵyn úı kezeginde turǵan azamattardyń áleýmettik osal sanattary úshin kredıt boıynsha mólsherleme – 7, azamattardyń barlyq sanaty úshin kredıt boıynsha mólsherleme – 9 paıyz.