Naýryz aıynda muzǵa shyǵý asa qaýipti – qutqarýshylar eskertý jasady
Kóktemniń alǵashqy aıynda sý qoımalaryndaǵy muz názik bolady. Bul ýaqytta muzǵa shyǵý óte qaýipti. ShQO TJD qyzmetkerleri halyqtan saqtyq sharalaryn qaperde ustaýdy surady.
«Ózen-kólderde osy ýaqytta muz borpyldaq bolady. Muzda jaryqtar da bolýy múmkin. Sondaı-aq ósimdikter ósip turǵan jerlerdegi jáne qar úıindileriniń astyndaǵy muzdan abaı bolý kerek», - deıdi departament bastyǵynyń orynbasary Qýatbek Kenjebekuly.
Qatty muzdyń belgileri kelesideı:
- Jasyl nemese kókshil reńkteri bar móldir muz;
- Ashyq, qarsyz keńistiktegi muz árqashan qalyń bolady.
Al juqa muz sur, sarǵysh tústi bolady. Ata analar kóktemgi demalys qarsańynda balalaryna erekshe nazar aýdarý kerek. Olardy sý qoımalarynda jalǵyz qaldyrý óte qaýipti.
Oblystaǵy qutqarýshylar eriktilermen jáne polıtseılermen birlesip, sý aıdyndarynda barlyǵy 620-dan astam reıd júrgizdi. Halyqqa 4400-den astam úgit-nasıhat jadynamasy taratyldy.