Naýqastardyń ishinde revaktsınatsııa ýaqyty ótip ketkender kóp – Ajar Ǵınııat

NUR-SULTAN. QazAqparat – Qazirgi tańda koronavırýspen aýyryp emhanaǵa túskenderdiń ishinde revaktsınatsııa ýaqyty ótip ketkender kóp. Halyqaralyq neırohırýrgııa forýmynyń kýlýarynda QR Densaýlyq saqtaý mınıstri Ajar Ǵınııat osyndaı málimet aıtty, dep habarlaıdy QazAqparat tilshisi.

«Qazirgi kezde týrızmniń jandanýyna baılanysty, balalardyń jazǵy demalysqa, qazaqstandyqtardyń shetelderge shyǵyp jatqanyna nemese óńirler arasyndaǵy mıgratsııaǵa baılanysty bul aýrý aýamen taralatyn vırýstyq ınfektsııa bolǵandyqtan keńinen taralý qaýpi bar. Sondyqtan búkil qazaqstandyqtardan der kezinde vaktsınatsııa nemese revaktsınatsııa alyp, ózderiniń de densaýlyqtaryn qorǵap júrýin suraımyz», - deı kele, Ajar Ǵınııaat Almaty men Nur-Sultandaǵy ahýalǵa erekshe toqtaldy.

«Almaty, Nur-Sultan qalalarynda tirkelip jatqan aýrýlardyń anamnezin qarasaq, 80 paıyzy revaktsınatsııanyń ýaqyty kelgen azamattar nemese vaktsınatsııa almaǵandar ekenin baıqap otyrmyz. Sondyqtan densaýlyqtaryńyzdy qorǵap, ózderińizdiń emhanalaryńyzǵa baryp, ekpe alǵandaryńyz jón. Qazirgi tańda bizde vaktsınanyń qajetti túrleriniń bári bar», - dedi mınıstr.

Atalmysh sharada Densaýlyq saqtaý mınıstri Qazaqstanda maska rejımin engizý yqtımaldyǵy týraly pikir bildirdi.