Naýqas bolǵannan góri, ekpe alǵandar qatarynda bolǵan áldeqaıda jaqsyraq - Nurbol Ysqaqov

NUR-CULTAN. QazAqparat - №3 avtobýs parkiniń qyzmetkerleri tolyǵymen koronavırýs ınfektsııasyna qarsy vaktsınatsııadan ótti, dep habarlaıdy QazAqparat ákimdikke silteme jasap.

Avtopark qyzmetkerlerin jumys oryndarynda vaktsınatsııalaýdy qalalyq Qoǵamdyq densaýlyq saqtaý basqarmasy uıymdastyrǵan kóshpeli brıgada júrgizdi. Ekpe alǵysy keletin adamdar úshin qabyldaý kestesi bar jeke egý kabıneti ashyldy.

Dárigerler qyzmetkerlerdi mindetti medıtsınalyq tekserýden ótkizip, vaktsınany engizý algorıtmin túsindirdi. Aıta ketý kerek, avtobýs parkiniń ujymy 100% vaktsınatsııadan ótti.

«Áriptesterimmen birge koronavırýsqa qarsy ekpe aldyq. Vaktsınatsııadan keıin men jaǵymsyz belgilerdi sezingen joqpyn, ıaǵnı basym aınalý nemese júregim aıný sekildi keri áserleri bolǵan joq. Ózimdi jaqsy sezinemin. Vaktsına alý týraly sheshim qabyldadym, óıtkeni jurtpen únemi tyǵyz baılanysta jumys isteımin. Naýqastar qatarynda bolǵannan góri, ekpe alǵandar qatarynda bolǵan áldeqaıda jaqsyraq dep esepteımin. Barlyq qazaqstandyqtardy el ıgiligi úshin vaktsınatsııadan ótýge shaqyramyn», — dedi №3 avtobýs parkiniń dırektory Nurbol Ysqaqov.

Esterińizge sala keteıik, búgingi tańda vaktsınatsııa jáne ujymdyq ımmýnıtet koronavırýstyń taralýyn boldyrmaýdyń jáne jalpy pandemııamen kúresýdiń eń tıimdi ádisi bolyp sanalady. Ony damytý úshin eresek adamdardyń keminde 60%-yn vaktsınatsııalaý qajet.

Nur-Sultanda 5 shildedegi jaǵdaı boıynsha KVI-ǵa qarsy vaktsınanyń birinshi komponentin 250 myńnan astam adam aldy, al 158 myńǵa jýyq adam tolyq ımmýndaýdan ótti.