Náýbet jyldary Almaty oblysynda 8 myńnan astam adam jazyqsyz atylǵan
Búgin Taldyqorǵanda óńir basshylary men zııaly qaýym ókilderi saıası qýǵyn-súrgin qurbandaryn eske alyp, Іlııas Jansúgirov eskertkishine gúl shoqtaryn qoıdy. Alash arysy, aqyn 1937 jyly tutqyndalyp, jarty jyl abaqtyda azaptaldy. Al aqpanda oqqa ushty. Ǵalymdardyń aıtýynsha Іlııas Jansúgirovtiń naqty qaı jerde jerlengeni áli belgisiz. Al Jańalyq aýylynyń mańynda jatyr degen tek boljam ǵana. Іlııastanýshylar qalamgerdiń shyǵarmashylyǵy men ómiri áli de tereń zertteýdi qajet etedi degen pikirde. Eske alý jıynyna aqynnyń nemere qaryndasy Nurpan Jansúgirova da kelip, este qalǵan sátterimen bólisti.
«Ylǵı qazaqtardy ustady. Qandaı jaqsy, qandaı bilimdi, qandaı aqyldy adamdardyń bári ketti ǵoı Іlııas sııaqty. Іlııaspen birge júrgen Sáken Seıfýllın, Beıimbet Maılın. Úsheýi birge júretin.Úsheýi joldas bolǵan eken»,- dedi Іlııas Jansúgirovtyń nemere qaryndasy Nurpan Jansúgirova.