NATO Aýǵanstan boıynsha kelissózge qatysýshylardy beıbitshilikke ún qosýǵa shaqyrady
- Aýǵanstan Islam Respýblıkasy men «Talıban» qozǵalysynyń kelissóz toptary Aýǵanstandaǵy beıbit kelissózderdiń erejeleri men rásimderi týraly jaqynda jasaǵan kelisimi jáne Ulttyq bitimgerlik jónindegi joǵary keńestiń basqarýshy komıtetiniń birinshi otyrysy – Aýǵanstandaǵy turaqty beıbitshilikke jetýdiń mańyzdy qadamdary. Muny aýǵan halqy naqty talap etedi. Biz (NATO- avt.) taraptardy zorlyq-zombylyqty dereý toqtatýǵa, turaqty, jan-jaqtan atysty toqtatý týraly kelissózder júrgizýge jáne kórshilerimen turaqtylyq pen beıbitshilikte ómir súrip jatqan gúldengen Aýǵanstanǵa arnalǵan saıası jol kartasy týraly kelissózder júrgizýge kelise otyryp, osy qarqyndy kúsheıtýge shaqyramyz.
Qyryq jylǵa sozylǵan qaqtyǵystardan keıin kelissózderge negizdelgen saıası retteý turaqty beıbitshilikke degen jalǵyz úmit beredi. Ásirese, Talıban shabýyldarynan týyndaǵan zorlyq-zombylyq beıbitshilik protsesin buzady jáne ony toqtatý kerek.
Biz kelissózder zorlyq-zombylyqty toqtatatyn, sońǵy 19 jyldaǵy progreske súıenetin, barlyq aýǵandyqtardyń, ásirese áıelderdiń, balalardyń adam quqyqtaryn qorǵaýdy qamtamasyz etetin, zańnyń ústemdigin qoldaıtyn jáne Aýǵanstanda terrorıster úshin baspana bolmaýyn qamtamasyz etetin turaqty jáne jan-jaqty aýǵan beıbitshilik kelisimine ákeledi dep kútemiz.
NATO jáne onyń seriktesteri Aýǵanstanǵa, aýǵan halqyna jáne aýǵan qaýipsizdik kúshterine degen adaldyǵyn rastaıdy. Biz Aýǵanstan úkimeti men «Talıban» qozǵalysyn Amerıka-Talıban kelisimi men birlesken amenıka-aýǵan deklaratsııasy bastamasymen bastalǵan beıbitshilik protsesinde óz mindettemelerin oryndaýǵa shaqyramyz.
Alıans bizdiń áskerı qatysýymyz týraly másele boıynsha konsýltatsııany jalǵastyrady jáne eger múmkin bolsa, ony aýǵandyqtardyń ózderi jáne olardyń basshylyǵy júzege asyratyn beıbit protsesti qoldaý úshin retteıdi.
Biz Aýǵanstanǵa birge kirdik, birge beıimdelemiz jáne jaǵdaı rettelgen kezde ǵana birge ketemiz. Biz aýǵan halqynyń beıbitshilikke umtylýyn qoldaımyz.