«National Tourism Awards 2019» ulttyq baıqaýynyń nomınatsııalary kóbeıdi
Bul týraly «Qazaq Týrızm» AQ Basqarma tóraǵasynyń orynbasary Tımýr Dúısenǵalıev aıtty.
«National Tourism Awards 2019» ulttyq baıqaýy bıznesti óz ıınfraqurylymyn jaqsartýǵa, básekege qabiletti bolýǵa yntalandyrýdy kózdeıdi. Baıqaýdyń 10 atalymynda bıznestiń barlyq salalary qamtylǵan. Onda jaıǵastyrý oryndary, týrıstik operatorlar, blogerler jáne bıyl «Úzdik týrıstik joba» nomınatsııasyn qostyq. Bul qandaı da bir erekshe qonaq úı bolýy múmkin nemese etnoaýyl nemese is-shara. Mınıstrlik bul jobaǵa qarajat bóledi», – dedi T.Dúısenǵalıev.
Onyń aıtýynsha, mınıstrlik (Mádenıet jáne sport mınıstrligi - red.) osylaısha jaqsy jobasy bar, biraq qarjylandyrý jetispeıtin bızneske qol ushyn sozǵysy keledi. Mundaı júldeder týrızm salasyndaǵy kóshbasshylardy anyqtaýǵa múmkindik beredi.
Óz kezeginde Týrızmdi damytý departmentiniń dırektory Gaýhar Jeńisbek uıymdastyrýshylar men seriktesterdiń arnaıy júldeleri kóbeıgenin atap ótti. Іrikteý 10 atalymda onlaın daýys berý arqyly júredi.
1. «Jyldyń úzdik týrıstik kompanııasy»
2. «Úzdik gıd-ekskýrsovod»
3. «5* sanatyndaǵy úzdik qonaq úı»
4. «4* sanatyndaǵy úzdik qonaq úı»
5. «3* sanatyndaǵy úzdik qonaq úı»
6. «Úzdik shıpajaı»
7. «Balalar men jasóspirimder týrızmi boıynsha úzdik joba»
8. «Týrızmdi nasıhattaý boıynsha úzdik joba»
9. «Týrızm týraly úzdik blog»
10. «Oqıǵalyq týrızm boıynsha úzdik joba»
Arnaıy nomınatsııalar:
1. «Qazaqstandaǵy týrızmdi damytýǵa qosqan úlesi úshin»
2. «Úzdik bıznes-joba»
3. «Qolónerdi damytýǵa qosqan úlesi úshin».
«National Tourism Awards 2019» baıqaýyna ótinimder 1-31 qazan aralyǵynda www.tourismawards saıtynda qabyldanady.
Gaýhar Jeńisbektiń aıtýynsha, BAQ qyzmetkerlerine arnalǵan
«Úzdik PR maqala, TV-joba, ınternet-joba» atalymdary bıyl «Týrızmdi nasıhattaý boıynsha úzdik joba» dep keńeıtilgen.