«National Geographic» jýrnalynda amerıkalyq fotograf Qazaqstanda túsirgen sýretterdi jarııalady (FOTO)

ASTANA. QazAqparat - Belgili amerıkalyq fotograf Fılıpp Toledano «National Geographic» jýrnalynda shyqpaǵan Qazaqstan jaıly túsirilgen birneshe sýretin Instagramdaǵy paraqshasynda jarııalady.

Fotograftyń negizgi mindeti reseılik ǵaryshkerler Mıhaıl Kornıenko jáne Sergeı Volkov, sonymen qatar amerıkalyq astronavt Skott Kellı bolǵan «Soıýz TMA-18M» ǵarysh apparatynyń qonýy týraly aqparattandyrý bolatyn.

Aıta ketken jón, S.Volkov basshylyq etken osy ǵarysh kemesimen qazaqstandyq Aıdyn Aıymbetov ótken jyly qyrkúıekte HǴS-ǵa attanǵan.

Eske sala keteıik, ǵarysh apparaty ǵaryshkerlerimen birge sársenbi kúni Qazaqstanda Jezqazǵan qalasynan 147 shaqyrym jerde qonǵan.

Kornıenko men Kellı ǵaryshqa 2015 jyly 27 naýryzda attanǵan. Ǵaryshkerler stansada shamamen 340 táýlik bolǵan. Ekıpajdyń úshinshi múshesi Sergeı Volkov HǴS-da 182 táýlik jumys istedi. Ol orbıtaǵa «Soıýz TMA-18M» ushyp barǵan. Osy ǵarysh kemesimen úsheýi Jerge oraldy.

«Soıýz TMA-18M» komandıri Sergeı Volkovke Qazaqstan Respýblıkasynyń Prezıdenti Nursultan Nazarbaevtyń atynan II dárejeli «Dostyq» ordeni tabystaldy.