Natalıa Nagachevskaıa: Alǵys aıtý kúni-barlyq qazaqstandyqtar úshin biregeı mereke
Bul týraly «Aqmola oblysynyń polıaktar birlestigi» qoǵamdyq birlestiginiń tóraıymy Natalıa Nagachevskaıa aıtty, dep habarlaıdy QazAqparat tilshisi.
«Bul mereke elimizde turatyn etnostardyń birligin, yntymaǵyn jáne dostyǵyn kórsetedi. Meniń atam men ájem, myńdaǵan polıaktar sııaqty Stalındik rejımniń qurbanyna aınalyp, 1936 jyly Qazaqstanǵa kúshtep jer aýdarylǵan alǵashqylardyń biri. Qazaqtar sol ýaqytta asharshylyqty basynan ótkerip jatqanyna qaramastan, olarǵa janashyrlyq tanytyp, bir úzim nanymen bólisti. Olar Eýropadan jer aýdarylǵandardy Azııanyń qatań, ıen dalasynda ómir súrýge úıretti. Bir-biriniń tilin bilmeý qarym-qatynasta mańyzdy kedergi bolǵan joq, adamdar úshin basty nárse-kúndelikti máselelerdi sheshýde ózara túsinistik pen yntymaqtastyq, janashyrlyq sezimi jáne qıyn ýaqytta kómekke kelý múmkindigi boldy.
Polıaktar aman qaldy, ózderin saqtap qaldy jáne bizge kelisim retinde, janǵa baı adamdarǵa, qýǵyn-súrgin kezinde kómek pen qoldaý kórsetkeni úshin alǵys aıtty. Qazaqtarmen birge kórshi turdyq, balalarymyzdy, nemerelerimizdi ósirdik, aýyr eńbek ettik, qarttarmyzdy qurmettep, jastarmyzdy qoldap, birge renjip, birge qýandyq. Biz bir - birimizden kóp nárseni úırendik», - deıdi Natalıa Nagachevskaıa.
Búgin biz erkin elde turamyz, búkil álem biz úshin ashyq. Biz qazaqtarmen, káristermen, nemistermen, ıngýshtarmen jáne basqa da etnostarmen qatar ómir súrip, balalarymyzdyń bolashaǵy - bizdiń táýelsiz Qazaqstanymyzdy birge quramyz.
«Men qazaqqa kelinmin. Búgingi tańda kúıeýim ekeýimiz eki halyqtyń eń jaqsy qasıetterin boıyna darytqan eki uldy tárbıelep otyrmyz.
Qazaqtyń salt-dástúrleri men ádet-ǵuryptary meniń ómirimniń ajyramas bóligine aınaldy. Men óz otbasyma qaıtalanbas polıak dámin usyndym. Meniń kúıeýimniń úlken tatý otbasy kópultty Qazaqstan halqyn beıneleıdi, óıtkeni onda ýkraındar, polıaktar jáne nemister de bar.
Keremet mereke - Alǵys aıtý kúni qarsańynda men ata-anama, kúıeýime baqytty otbasy men ádemi balalary úshin alǵys aıtqym keledi.
Men oblys turǵyndaryna qaıtalanbas jyly atmosfera úshin, Elbasymyz jáne Prezıdentimizge Qazaqstandaǵy beıbitshilik pen kelisim úshin alǵysymdy bildiremin», - dep túıindedi Natalıa Nagachevskaıa.