Natalıa Godýnova: Indýstrııa mınıstrligindegi jobalar jappaı qymbattap jatyr

ASTANA. QazAqparat – Joǵarý aýdıtorlyq palata tóraǵasy Parlamenttiń birlesken otyrysynda bıýdjet esebinen iske asatyn jobalardyń qunyn asyryp baǵalaý beleń alyp turǵanyn aıtty, dep habarlaıdy QazAqparat tilshisi.

«Mınıstrlikterdiń ózi jeńildetilgen nesıe men preferentsııalardy, kepil berilgen boryshty usyný kezinde atalǵan memlekettik qoldaý óndiristerdi keńeıtip, jumys oryndarynyń sanyn kóbeıtetinin negiz etip kórsetedi. Al kórsetkishter kóp suraq týyndatady. Qarajat bólingen jyly nátıje bola qoımaıtyny túsinikti. Biraq orta merzimmen 3-5 jyl ishinde nátıjesi kórinýi kerek qoı», - dedi Natalıa Godýnova.

Sondaı-aq, ol bıýdjetti tıimsiz qoldaný tendentsııasyn aýyzdyqtaý da - qosymsha kiris kózi bola alatynyn eske saldy.

«Tórt jyl buryn jobalaý-smetalyq qujattamada joba qunyn asyryp kórsetý deńgeıi - 30%, al onyń jalpy somasy 1 trln teńge bolady dep eseptegen bolatynbyz. Qazir jobalardyń qymbattaýy jalpy sıpat alyp otyr. Onyń jalpy somasy tipten qomaqty. Osyǵan baılanysty ásirese Indýstrııa jáne ınfraqurylymdyq damý mınıstrligi tarapynan aqylǵa qonymdy sharalar, al memlekettik saraptama tarapynan qatań baqylaý kerek», - dedi Joǵary aýdıtorlyq palata basshysy.