Nasymjan Ospanova kenshilerdiń balalarynyń jaǵdaıyn bilý úshin Qaraǵandyǵa bardy

<p>Qazaqstan Respýblıkasy Oqý-aǵartý mınıstriniń tapsyrmasy boıynsha Balalardyń quqyqtaryn qorǵaý komıtetiniń tóraǵasy Nasymjan Ospanova qaza tapqan kenshilerdiń balalarynyń hál-jaǵdaıyn bilý úshin Qaraǵandy oblysyna bardy, dep habarlaıdy <a href="Kazinform" target="_blank" rel="noopener">Kazinform.</a></p>

Tóraǵa Bala quqyqtary jónindegi ýákil Dınara Zakıevamen birlese qaza tapqandardyń týystaryna qaıǵyryp kóńil aıtty. 

Oqý-aǵartý mınıstrligi tarapynan olarǵa jan-jaqty psıhologııalyq kómek kórsetiletin bolady. 

Aıta keteıik, buǵan deıin oblystyq bilim basqarmasynyń janynan Oqý aǵartý mınıstrliginiń, Bilim basqarmasynyń, Qaraǵandy oblysynyń Bala quqyqtary jónindegi óńirlik ýákiliniń, mektepterdiń, áleýmettik pedagogterdiń, pedagog-psıhologtardyń ókilderi qatarynan qaza tapqan kenshilerdiń otbasylarynan shyqqan balalarǵa kómek kórsetetin mobıldi top qurylǵan bolatyn.