Nashar ınternet Qazaqstanda jasandy ıntellekti engizýge kedergi bolýy múmkin

<p>ASTANA. KAZINFORM &ndash; <a href="https://oxfordinsights.com/ai-readiness/ai-readiness-index/" target="_blank" rel="noopener">Oxford Insights</a> carapshylarynyń málimetinshe, 2023 jyly Qazaqstan Úkimeti jasandy ıntellekt tehnologııalaryn engizýge daıyndyǵy boıynsha 193 eldiń ishinde 72-orynǵa ıe boldy. Sarapshylar sondaı-aq JI engizýdi qıyndatatyn birneshe kedergini atady.</p>

Oxford Insights sarapshylarynyń atap ótýinshe, ınternet jáne tsıfrlandyrýdyń joǵary deńgeıi Qazaqstanda JI-dy sátti engizýdiń negizgi faktorlaryna aınalýy múmkin. Degenmen, birqatar kedergiler bar: 

* zamanaýı ınfraqurylymnyń jáne JI úshin jetkilikti esepteý qýatynyń bolmaýy; 
* JI ónimderiniń tehnıkalyq qaýipsizdik standarttarynyń bolmaýy, bul saraptama júrgizýde qıyndyqtar týǵyzady;
* derekterge qol jetkizýdiń qıyndatylýy;
* ınternet sapasynyń tómen bolýy;
* ǵylymı-zertteý jáne tájirıbelik-konstrýktorlyq jumystardy damytýdyń belsendi ulttyq ınstıtýtynyń bolmaýy;
* áleýetti klıentter arasynda JI ónimderine tómen suranys jáne tehnologııaǵa saqtyqpen qaraý.

Sarapshylar sondaı-aq tehnologııalardan tym kóp nárse kútiletinin, bul bolashaqta qarjylandyrýdyń qysqarýyna jáne ınvestıtsııalardyń jylystaýyna ákelýi múmkin ekenin atap ótti.