Nashaqorlyq qazirgi qoǵamdaǵy ótkir problemalardyń biri bolyp otyr - Q.Ahmetov
dep habarlaıdy QazAqparat.
Nashaqorlyqtan saqtandyrý úshin tájirıbe almasý maqsatynda uıymdastyrǵan is-shara barysynda Pavlodar men Qostanaıdyń buryn esirtkige táýeldi bolǵan adamdary sóz sóıledi. Uıymdastyrýshylardyń aıtýynsha, is-sharanyń negizgi maqsaty nashaqorlyqqa qarsy kúreste qazirgi zamanǵy jańa tásilder men ádisterdi izdestirý bolyp tabylady. Semınarǵa qatysýshylar qazirgi ýaqytta respýblıkada esirtkige táýeldi azamattardyń sany kemýdiń ornyna, artyp kele jatqandyǵyna alańdaýshylyq bildirdi. Olardyń pikirinshe, buǵan Qazaqstannyń geografııalyq ornalasýy, ıaǵnı elimizdiń Aýǵanstan esirtkisin Reseı men Eýropa elderine tasymaldaýǵa qolaıly tranzıttik dálizde ornalasýy óz áserin tıgizip otyr. Osyǵan oraı semınarǵa qatysýshylar nashaqorlyqpen kúres boıynsha aldyn alý is-sharalaryn kúsheıtý qajet dep esepteıdi.
Jıyn barysynda sóz sóılegen «Áleýmettik-mádenı bastamalar ortalyǵy» qoǵamdyq birlestiginiń bas keńesshisi Q.Ahmetov «Syrtqy ister mınıstrliginiń málimetterine qaraǵanda, elimizde búgingi tańda 55 myńnan astam esirtkige táýeldi azamat tirkelgen. Al shyn máninde bul san odan da kóp. Bizge osy bir áleýmettik derttiń aldyn alý maqsatynda is-sharalardy kúsheıtýimiz qajet», dedi.
Onyń aıtýynsha, QR Mádenıet jáne aqparat mınıstrligi Aqparat jáne muraǵat komıtetiniń bastamasyna oraı josparlanǵan ekinshi semınar. Sońǵy jıyn jeltoqsan aıynda ótedi. Semınar qorytyndysy boıynsha usynystar jınaq bolyp toptastyrylady. Nashaqorlyqpen kúresti jetildirý boıynsha qabyldanǵan usynystarmen jergilikti atqarýshy organdar jete tanysýy úshin jiberiledi.
Іs-sharaǵa depýtattar, Mádenıet jáne aqparat, Іshki ister jáne Bilim mınıstrlikteriniń, ártúrli ortalyqtardyń ókilderi bas qosty.