Nashaqorlar kóbinde AITV, ınsýlt pen sýıtsıdten kóz jumady

<p>Eki aı boıy prokýrorlar barlyq óńirdegi mektep oqýshylarymen jáne stýdenttermen kezdesip, sıntetıkalyq nashaqorlyqtyń aldyn alý máselesin talqylady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Іs-shara Bas prokýratýranyń esirtki qylmysyna qarsy is-qımyl jobasyn júzege asyrý aıasynda ótkizildi.

Naýqan jalpy aýdıtorııasy 220 myńnan astam tyńdaýshyny quraıtyn 2,5 myńǵa jýyq orta, orta arnaýly jáne joǵary bilim berý uıymdaryn qamtydy.

Jastarǵa nashaqorlyqqa táýeldiliktiń saldary, esirtkini zańsyz taratýǵa tartylý qaýpi jáne mundaı árekettiń jazasy týraly aqparat berildi.

Pármendi áserge qol jetkizý úshin nashaqorlyqtyń qurbany bolǵan jasóspirimniń otbasyndaǵy qaıǵyly oqıǵa týraly beınerolık kórsetildi.

Talqylaýǵa oqýshylar belsene qatysty.

Olardy «salymshylardyń» jaýapkershiligi, quqyq qorǵaý organdarynyń esirtki satýshylarǵa qatysty qabyldaǵan sharalary, nashaqorlyqtyń genetıkaǵa áseri týraly máseleler qyzyqtyrdy.

Resmı derek boıynsha Qazaqstanda 18 myńnan astam nashaqor tirkelgen.

Degenmen naqty kórsetkish áldeqaıda joǵary jáne 150 myń adamǵa jetýi múmkin.

Álemdik statıstıkaǵa súıensek 10 nashaqordyń bireýi ǵana ońaltýdan sátti ótedi.

Nashaqorlar óliminiń eń kóp taraǵan sebepteri — AITV, ishki aǵzalardyń ydyraýy, ınsýlt, júrek toqtaýy jáne sýıtsıd.

Esirtki saýdasy — ómir boıyna bas bostandyǵynan aıyrýǵa deıingi eń aýyr jaza kózdelgen qylmys túrleriniń biri.

Búginde esirtki qylmysy úshin 4 myńnan astam adam túrmede jazasyn ótep jatyr, onyń kópshiligi — jastar.