NASA Jerge uqsas 44 planetany anyqtady

ASTANA. QazAqparat - Uzaq ýaqyt gıbernatsııa protsesinde bolǵan "Kepler" teleskoby qaıta óńdeýden ótken soń, Jerge jańa aqparat jiberdi. Ǵarysh teleskoby buǵan deıin 1000-nan asa ǵalamshardyń jobasyn anyqtap, sýretterin Jerge joldaǵan edi. Onyń sońǵy operatsııasy eń paıdaly ári nátıjeli seans dep tanyldy, dep jazady Massaget.kz. 

"Keplerdiń" 95 megapıkseldi fotometrine 44 jańa planeta ilikken. Onyń ishinde 16 pleneta Jerdiń qurylymyna barynsha uqsas bolyp shyqty. Alaıda bul ekzoplanetalar Jerge uqsaǵanymen, ondaǵy klımat Merkýrıı men Sholpandaǵydaı eken. Shamasy onda sanaly tirshilik kózi joq, biraq bakterııalar bolý yqtımaldyǵy joǵary. Analız planetalardyń kólemi men ondaǵy temperatýrany anyqtaýǵa múmkindik berip otyr.

42-CCD matrıtsaly, jalpy sany 95 megapıkselden turatyn "Kepler"fotometri

Jańalyqtyń tańǵalarlyǵy sol, NASA buǵan deıin bir seansta tek 10-12 ekzoplanetany ǵana qabyldap otyrǵan. Al bul operatsııa kezinde 2013 jyly isten shyǵyp, bıyl qaıta jóndelgen "Kepler" 44 ekzoplanetany anyqtap, Jerge jibergen. Eske sala keteıik, 2013 jyly "Keplerdiń" 4 negizgi qozǵaltqyshynyń ekeýinde aqaý tabylyp, teleskoptyń burynǵy qarqynmen jumys isteı qoıýy ekitalaı nárse edi, biraq "Kepler" áli kúnge deıin ǵalymdarǵa jańa aqparattar jiberip jatyr.  "Kepler" jobasynyń basy-qasynda júrgen Djon Lıvıngston jańalyq jaıly mynadaı pikir bildirdi:

"Keplerdiń ýaqytsha isten shyǵýy bizge ońynan boldy. Eger ol burynǵy rejımmen jumys isteı bergende biz osynshama tańǵajaıyp planetalardyń baryn bilmeıtin de edik. Bul seans arqyly biz ǵalamsharlar júıesiniń qalaı qurylǵanyna kóz jetkize túsemiz", - deıdi Lıvıngston.