NASA jatplanetalyqtardy zertteıtin arnaıy dırektor taǵaıyndady

NASA basshylyǵynda belgisiz ushatyn nysandardy zertteıtin jańa arnaıy dırektor laýazymy engizildi, dep habarlaıdy QazAqparat VVS-ge silteme jasap.

Basylymnyń habarlaýynsha, NASA-daǵy jańa laýazymdy buǵan deıin belgisiz ushatyn nysandar, beımálim anomaldy qubylystardyń vıdeolary men basqa da derekterdi zertteıtin táýelsiz sarapshylardan turatyn komıssııaǵa kómektesip kelgen adam atqarady.

NASA beısenbi kúni osy táýelsiz sarapshylar jumysynyń qorytyndy esebin jarııalady. Bir jyl ishinde táýelsiz sarapshylar vıdeoǵa túsirilgen beımálim qubylystardy muqııat zerttep, olardyń ózge ǵalamshardan ekenin dáleldeıtin naqty derekter tappaǵan. Alaıda mamandar bul nysandar ózge ǵalamshardan emes degen birjaqty qorytyndy shyǵarýǵa da asyqpaıdy.

«Ol naqty ne ekenin biz áli bilmeımiz. Keıbir belgisiz ushatyn nysandar muqııat zerttegen kezde áýe shary bolyp shyqty. Basqalary - atmosferalyq qubylystar. Bizge jumbaq kúıinde qalatyn qubylystar da bar», - dedi NASA ákimshisi Bıll Nelson.

Bıll Nelson bógde ǵalamsharlarda tirshilik, tipti órkenıet bar ekenine óz basy esh kúmán keltirmeıtinin de málim etti.