NASA Plýton ústinen ushyp ótken vıdeony jarııalady
New Horizons apparaty 2006 jyldyń 19 qańtarynda ushyryldy. AQSh-tyń Kanaveral múıisinen ǵaryshqa attanǵan zond jyldamdyǵyn saǵatyna 58,5 myń kılometrge arttyryp, Jerden ushyrylǵan eń jyldam ǵarysh apparaty atandy. 2015 jyldyń shilde aıynyń ortasynda ol Plýton betine 13 myń kılometrge jaqyndady.
Tapsyrma barysynda jasalǵan fotosýretter negizinde ǵalymdar Plýton bederiniń úsh ólshemdi keskinin jasady jáne zondtyń ushqan baǵdaryn qurastyrdy.
Saıttaǵy jazbalarǵa sáıkes, Plýtonmen tanysý taýlardyń ústinen bastalyp, «Spýtnık Planıtıa» úlken azotty muz jazyǵynan ońtústik batysqa qaraı jalǵasady.
Odan keıin zond taý jotalarymen qorshalǵan Ktýlhý Makýlanyń kraterli aımaqtarynan ótedi. Ekskýrsııa soltústikke baǵyttalyp, odan keıin Pıoner-Terra jazyǵy boıymen ońtústikke ketedi, jarty shardyń shyǵysyndaǵy Tartar-Dorsa oıpatymen aıaqtalady.