NASA óziniń 56 tehnologııasynyń patentinen bas tartty

ASTANA. QazAqparat - AQSh-tyń ulttyq aeroǵarysh basqarmasy (NASA) óziniń 56 tehnologııasyn erkin paıdalanýǵa ruqsat berip, patentinen bas tartty.

Atalǵan tehnologııanyń barlyǵyn NASA ǵarysh mıssııalaryna daıyndyq kezinde qoldanǵan. Alaıda olardy basqa salalarǵa da paıdalanýǵa bolady. Atap aıtar bolsaq, málimetterdiń ishinde optıka, teragertsevalyq sáýlelendirý, hımııa, ekologııa salalaryndaǵy ónertabys, sondaı-aq baǵdarlamalyq ónimder de bar.

«Osy tehnologııalardy kópke qol jetimdi ete otyryp, biz kásipkerlerdi NASA tehnologııalaryn kommertsııalyq salada paıdalaný joldaryn izdestirýge yqpal etemiz», - deıdi basqarmanyń ǵylymı-tehnıkalyq baǵdarlamalardy almasý jónindegi basshysy Denıel Loknı (Daniel Lockney).

Qazirgi ýaqytta NASA lıtsenzııa arqyly paıdalanýǵa bolatyn myńnan astam tehnologııanyń patentine ıe.