NASA muhıt túbiniń qupııasyn zertteýdi kózdep otyr

NUR-SULTAN. QazAqparat - NASA muhıttardyń az zerttelgen, qupııaǵa toly tereńdikterin zertteýdi qolǵa almaq, dep habarlaıdy QazAqparat VVS- ge silteme jasap.

Aıta keter bolsaq, Dúnıejúzilik muhıt jer betiniń 70%-dan astamyn alyp jatyr jáne ǵalymdardyń aıtýynsha, 80%-y zerttelmegen.

AQSh ǵarysh agenttigi bul baǵytta eki máselege basa nazar aýdarýdy kózdep otyr. Basqa ǵalamsharlarda bar muhıttardyń tabıǵatyn túsiný jáne ekstremaldy jaǵdaılarda jumys isteý tehnologııalaryn ázirleý. Árıne, bul tosyn oqıǵalar men qaýipterge toly.

Muhıttyń tereńdigi men ǵarysh keńistiginde ortaq nárse bar. Ol muhıt túbi men kún júıesindegi keıbir planetalarda kezdesetin uqsastyqtar.

Bes shaqyrymnan astam tereńdiktegi muhıt qol jetpeıtin tuńǵıyq bolyp sanalady.

Dúnıejúzilik muhıttyń maksımaldy tereńdigi 11022. Bul jer 1951 jyly ony ashqan brıtandyq zertteý kemesi qurmetine «Chellendjer tereńdigi» dep te atalady.

Ázirge mundaı tereńdikke súńgýge qabiletti qurylǵylar sanaýly ǵana bolyp otyr.