NASA: Marsqa ushý ómirge óte qaýipti

ASTANA. QazAqparat - Marsqa ushý mıssııasy bastalar kezge deıin Kún júıesin zertteý ómirge qaýipti bolýy múmkin, dep tujyrymdap otyr amerıkalyq ǵalymdar. Qazirdiń ózinde kún belsendiliginiń tómendeý kezeńi bastaldy. Sondyqtan bir jyldan artyq ǵaryshta bolatyn Mars mıssııasynyń qatysýshylary áldeqaıda kúshti radıoaktıvti sáýlege ushyrap, sol sebepti Marsqa jáne asteroıdtarǵa mıssııa jospary oryndalmaýy múmkin.

Jerdiń magnıt órisi adamdardy osy radıatsııanyń úlken bóliginen qorǵaıdy. Alaıda bul «qalqannyń» qýattylyǵy 11 jyldyq kún tsıkli aýqymyna ǵana jetedi. Jerdiń magnıt órisi adamdardy onyń joǵarǵy betinde, sonymen birge HǴS-ta qorǵaıdy, alaıda kún belsendiliginiń azaıýy jer orbıtasynan ary shyǵatyndarǵa keri áser etýi múmkin deıdi amerıkalyq ǵalymdar.