NASA: Kepler teleskopy tirshilik bolýy múmkin jańa ǵalamsharlardy anyqtady
10:41, 11 Mamyr 2016
ASTANA. QazAqparat - AQSh-tyń Aeronavtıka jáne ǵarysh keńistigin zertteý boıynsha Ulttyq basqarmasy (NASA) kóp bóligi «tirshilik aımaǵynda» ornalasqan 1,2 myńnan astam jańa ǵalamshardy ashqany týraly jarııalady.
«NASA Kepler ǵarysh teleskopynyń Kún júıesiniń syrtynda 1284 jańa ǵalamshardy ashqanyn málimdep otyr, bul tanymal ekoǵalamsharlardyń sanyn eki ese kóbeıtip otyr», - delingen habarlamada.
100-den astam jańa ǵalamshardyń salmaǵy Jerge uqsas, jartasty landshafty bar. Ashylǵan 550-ge jýyq ǵalamshar kishkentaı, jartasty bolýy múmkin, olardyń ishinde toǵyzy Jerdegi tirshilikke uqsas ómir formalaryna ıe bolýy múmkin «tirshilik aımaǵynda» ornalasqan.
Observatorııa serigi bolyp tabylatyn Kepler ǵarysh teleskopy 2009 jyly iske qosyldy, dep habarlaıdy Rosbalt. Ol sondaı-aq kólemi Jerdikindeı, tirshilik bolýy múmkin ǵalamsharlardy izdeý qyzmetin atqarady.