NASA ǵalymdary Marstan tańǵajaıyp sıgnaldardy tirkegen

NUR-SULTAN. QazAqparat - Ulttyq aeronavtıka jáne ǵarysh keńistigin zertteý basqarmasynyń (NASA) ǵalymdary Marsta tańǵajaıyp sıgnaldardy aýlaǵan, olardyń keıbireýleri seısmıkalyq qubylys bolsa, basqalary qupııa bolyp otyr. Bul týraly Sky News jarııalady, dep habarlaıdy QazAqparat.

«NASA-nyń Marsta júretin qurylǵysy InSight ótken jyly qarashada qyzyl ǵalamsharǵa baryp, sáýirde alǵashqy seısmıkalyq shýyldy tirkedi. Ony NASA «tynysh, biraq anyq dirildeý» dep sıpattady», - delingen habarlamada.

Seısenbi kúni jarııalanǵan aýdıotaspanyń úlgileri InSight seısmometri anyqtaǵan 100 jańalyqty qamtıdy. Alaıda, olardyń ishinde tek 21-i «marstyń dirildeýi» retinde – Marstaǵy jer silkinisi ekeni anyqtaldy.

Ǵalymdar marstyń dirildeýin zerttep, qupııa shýyldyń neden bolǵanyn anyqtaýǵa úmittenip otyr.