NASA ǵalamnyń eń tereń ınfraqyzyl sýretin túsirdi

NUR-SULTAN. QazAqparat - NASA-nyń Djeıms Ýebb ǵaryshtyq teleskopy alystaǵy ǵalamnyń tereń jáne aıqyn ınfraqyzyl sýretin túsirdi, dep habarlaıdy QazAqparat tilshisi.

Myńdaǵan galaktıkalar, sonyń ishinde ınfraqyzyl sáýlelerde baıqalmaıtyn eń álsiz nysandar da alǵash ret Ýebbtiń kórý aımaǵyna engen.

Ýebb ınfraqyzyl dıapazonynyń kamerasy (NIRCam) túsirgen kórinis - bul ár túrli tolqyn uzyndyǵyndaǵy sýretterden jasalǵan kompozıtsııa, jalpy uzaqtyǵy 12,5 saǵat.

Sýrette MACS 0723 galaktıkalar shoǵyry, onyń 4,6 mıllıard jyl buryn qandaı bolǵany kórsetilgen. Bul galaktıkalar shoǵyrynyń biriktirilgen massasy artyndaǵy áldeqaıda alys galaktıkalardy ulǵaıta otyryp, gravıtatsııalyq lınza sııaqty áreket etedi.

Jaqynda zertteýshiler galaktıkalardyń massasy, jasy, tarıhy men quramy týraly kóbirek bile bastaıdy. Óıtkeni Ýebb ǵalamdaǵy eń alǵashqy galaktıkalardy izdeý ústinde.

Bul sýret teleskoptyń eń alǵashqy tolyq tústi sýretteriniń biri.

Foto: NASA