NASA eki astronavty Jerge jetkizý týraly sheshim qabyldady

<p>ASTANA. KAZINFORM &ndash; Tamyzdyń sońynda NASA HǴS-tan Barrı Batch Ýılmor men Sýnıta Ýılıamsty qaıtarý úshin Boeing kompanııasynyń Starliner ǵarysh kemesi nemese SpaceX Crew Dragon kapsýlasynyń qaı birin paıdalaný týraly sheshim qabyldaıdy. Bul týraly <a href="https://www.dw.com/ru/nasa-resaet-vopros-o-dostavke-dvuh-astronavtov-na-zemlu/a-69956493" target="_blank" rel="noopener">DW</a> jazdy.</p>

Ulttyq aeronavtıka jáne ǵarysh basqarmasy (NASA) tamyz aıynyń sońyna qaraı ǵaryshkerler Barrı Batch Ýılmor men Sýnıta Ýılıamstyń Halyqaralyq ǵarysh stantsııasynan (HǴS) Jerge qaıtarý týraly sheshim qabyldaýǵa nıetti. Bul týraly NASA ókilderi sársenbi, 14 tamyzda ótken baspasóz máslıhatynda málimdedi.

Ýılmor men Ýılıams 5 maýsymda Starliner ǵarysh kemesimen HǴS-qa bardy jáne onda segiz kún bolýy kerek edi, biraq Starliner ǵarysh kemesi ekıpajynyń HǴS-qa alǵashqy ushýy kezinde baıqalǵan manevr qozǵaltqyshyndaǵy aqaýlarǵa baılanysty olardyń oralýy keıinge qaldyryldy.

Baspasóz máslıhaty barysynda NASA ǵaryshtyq operatsııalar dırektsııasy ákimshisiniń kómekshisi Ken Baýersoks astronavtar HǴS bortynda qosymsha ýaqyttaryn tıimdi paıdalanyp jatqanyn aıtty. 

– Alaıda, men olardyń da biz sııaqty sheshim kútip otyrǵanyna senimdimin, – dep qosty ol.

Eger sheshim Space X paıdasyna qabyldansa, onda bul kompanııa HǴS-qa 24 qyrkúıekke josparlanǵan Crew-9 mıssııasyn ádettegideı bortynda tórt astronavtpen emes, ekeýimen ǵana ushatynyn aıtty. Crew Dragon kapsýlasy Barrı Batch Ýılmor jáne Sýnıta Ýılıamspen birge 2025 jyldyń aqpan aıynda Jerge orala alady.