NASA: Asteroıdtardan altyn izdeý úshin arnaıy teleskop qurastyryldy

ASTANA. QazAqparat - NASA ınjenerleri asteroıdtardan altyn izdeý úshin arnaıy teleskop qurastyrdy, dep habarlaıdy planet-today.ru.

Amerıkalyq NASA ǵarysh agenttigi Vanderbılt ýnıversıtetiniń mamandarymen erekshe teleskop qurastyrý boıynsha shart jasasqan edi. Jańa tehnıka ǵarysh denelerinen altyn qoryn izdeı alatyndaı bolýy tıis bolǵan.

AQSh ınjenerleriniń sózine qaraǵanda, qurastyrylǵan erekshe qurylǵy galaktıkalyq gamma-sáýlelendirýdiń kómegimen ǵarysh denelerindegi baılyqtardyń úlesin ólsheı alady.

Sonymen qatar teleskop joǵary dáldikke ıe bolady. Resmı derekterge sáıkes, onyń baǵasy qoljetimdi.

Gamma-teleskop aspan deneleriniń joǵarǵy qabatynyń astynda ornalasqan asteroıdtarǵa sáýleler kómegimen úńile alady. Kometanyń ne ózge deneniń hımııalyq quramyn anyqtap, oǵan saraptama jasaýǵa bolady, dedi NASA agenttiginiń ókilderi.