NASA asteroıdqa kez kelgen adamnyń óner týyndysyn attandyrmaq
NASA qyrkúıekte Benný asteroıdyna «Osırıs-Reks» apparatyn attandyrmaqshy.
«Apparat asteroıdtyń topyraǵyn alyp, ony zertteý úshin jerge jetkizýi kerek», - deıdi NASA mamandary. Olardyń aıtýyna qaraǵanda, adamzattyń ǵarysh keńistigin zertteýge umtylysyn beıneleıtin joba kóptegen adamdarǵa kórkem óner týyndylaryn jasaýǵa shabyt berýi tıis.
«Biz búkil álemdi osy qyzyqty saparǵa atsalysyp, ǵylymı apparatpen birge ǵaryshqa jiberý úshin óz jumystaryn usynýǵa shaqyramyz», - deıdi Arızona shtaty ýnıversıtetinen «Osırıs- Reks» baǵdarlamasyna qatysýshy Dante Loretta.
NASA-nyń osy jobasyna kez kelgen janrdaǵy jumystar qabyldanady, onyń ishine óleńder, ánder jáne qysqa vıdeolar da kiredi. Olar ǵarysh kemesine sandy nusqada jazylyp jiberiledi. Týyndylar 20 naýryzdan bastap qabyldanady.