NASA apparattary Marsqa iri meteorıttiń qulaǵanyn anyqtady

VAShINGTON. QazAqparat – NASA-nyń Marstaǵy biri betinde, ekinshisi orbıtadaǵy eki ǵarysh apparaty buryn-sońdy bolmaǵan alyp meteorıtterdiń qulaýy men soqqylardan paıda bolǵan kraterlerdi tirkedi, dep habarlaıdy QazAqparat menshikti tilshisi Amerıkanyń PBS qoǵamdyq habar taratý qyzmetine silteme jasap.

Eki úlken soqqydan muz kesekteri paıda boldy. Bul jańalyq zertteýshilerge bolashaq astronavtar Marstyń tabıǵı resýrstaryn paıdalana alatyn amaldardy tabýǵa kómektesedi.

Insight zertteý apparaty seısmıkalyq dúmpýlerdi ólshedi, al Mars Reconnaissance orbıtalyq stantsııasy paıda bolǵan kraterlerdiń sýretterin usyndy.

«Eki soqtyǵystyń seısmıkalyq derekteri Mars qyrtysynyń tyǵyzdyǵyn tanytyp otyr. Biz úshin Marstyń kóbine jumbaq bolyp qalyp otyrǵan ishki qurylymy men dınamıkasyn túsiný úshin áli kóp ýaqyt kerek», - dedi zertteýge qatysqan Shveıtsarııadaǵy geofızıka ınstıtýtynyń ókili Doen Kım.

Ǵalymdar Eýropa men Qytaıdyń bolashaq qondyrý apparattary budan da jetildirilgen seısmometrlermen jabdyqtalyp, Marstyń qalaı damyǵany týraly naqtyraq málimet beretinin málimdedi.

InSight qondyrǵysh modýli Marstyń ekvatorlyq jazyǵyna 2018 jyly qonyp, sodan beri 1 300-den astam soqqyny tirkegen. Apparat qýatynyń taýsylýyna baılanysty mıssııasyn aıaqtaıdy, óıtkeni onyń kún panelderin shańdy daýyl basqan. Mamandardyń aıtýynsha, qondyrǵyshta elektr qýaty taýsylǵanǵa deıin áli 4-ten 8 aptaǵa deıin ýaqyt bar.

Foto: pbs.org