NASA alǵash ret Marstaǵy jeldiń dybysyn jazyp aldy

ASTANA. QazAqparat - Amerıkanyń ǵalamshararalyq InSight zondy alǵash ret Mars jeliniń dybysyn jazyp alyp, Jerge jiberdi, dep habarlaıdy QazAqparat NASA-ǵa silteme jasap.

Eske sala keteıik, 26 qarasha kúni AQSh-tyń Ulttyq áýede ushý jáne ǵarysh keńistigin zertteý basqarmasynyń (NASA) InSight apparaty Qyzyl ǵalamsharǵa qonǵan bolatyn.

Birinshi jeltoqsanda InSight apparatynyń datchıkteri «jeldiń ekpininen týǵan tómen terbelisti gýildi» jazyp alǵan. Jel soltústik-batystan ońtústik-shyǵysqa qaraı sekýndyna 5-7 metr jyldamdyqpen esken.

Marsty zertteý ǵylymı baǵdarlamasynyń basshysy Brıýs Banerdttiń aıtýynsha, bul «jospardan tys qýanysh» boldy. «Mıssııanyń basty mindetteriniń biri Mars betindegi qozǵalys parametrlerin ólsheý edi. Árıne, buǵan dybys tolqyndarynan týǵan qozǵalys ta kiredi», - deıdi ol.