NASA 2019 jyldyń sońynda Aıǵa jańa keme ushyrady

ASTANA. QazAqparat - NASA - Amerıkanyń ǵarysh vedomstvosy 2019 jyldyń sońynda Aıǵa óziniń Orion atty jańa kemesin jiberýge nıetti. Bul týraly Hıýstondaǵy (Tehas shtaty) baspasóz máslıhatynda Djonson atyndaǵy ǵarysh ortalyǵynyń dırektory Ellen Ochoa málim etti, dep habarlaıdy TASS. 

«Biz 2019 jyldyń sońynda ushyramyz dep otyrmyz. Biz osy maqsatqa umtylyp jatyrmyz», - dep atap ótti Ellen Ochoa.

Ol NASA mamandarynyń byltyr Orion jobasynyń júzege asyrylý deńgeıine jan-jaqty baǵalaý júrgizgenin jáne kemeni ushyrý ýaqytynyń 2020 jyldyń basyna jyljytýǵa týra keletindigin eske saldy.

«Biraq, biz kemeni 2019 jyldyń jeltoqsanynda Aıǵa ushyrýǵa nıettimiz», - dep atap ótti ortalyqtyń dırektory.

Orion Aıdy aınalyp ushyp, Jerge qaıtyp keledi.