Naryqtaǵy monopolııany boldyrmaý úshin satyp alýǵa qatysý lımıti belgilenedi - Jamaýbaev
«Memlekettik satyp alý protsesi tolyǵymen elektrondy formatqa kóshirildi. Búkil protsess aıqyn jáne barlyǵyna qoljetimdi. Qabyldanǵan is-sharalardyń nátıjesinde sońǵy jyldary bir kózden tikeleı satyp alý úlesi 64-ten 39 paıyzǵa deıin qysqardy. Osy jyldan bastap tikeleı satyp alýdyń taǵy 6 negizi Zańnan alynyp tastaldy. Satyp alýdy básekelestik tásilmen basym túrde júzege asyrý týraly talaptar, sondaı-aq birinshi basshysynyń bir kózden satyp alýdy negizsiz qoldanǵany úshin jaýapkershiligi belgilendi», - dedi Erulan Jamaýbaev.
Onyń atap ótýinshe, satyp alý protsesin jetildirý maqsatynda elektrondyq dúken túrindegi jańa tásilder engizildi. Sondaı-aq negizdemelik kelisimder jáne konkýrstyń reıtıngtik-baldyq júıesi engizilip jatyr.
«Bir kúndik fırmalardyń satyp alýǵa qatysýyn shekteıtin qarjylyq turaqtylyq kórsetkishi belgilendi. Qurylys salasyndaǵy jetkizýshilerdiń jumys tájirıbesin avtomatty túrde esepteý úshin elektrondyq depozıtarıı engizildi. Naryqtaǵy monopolııany boldyrmaý, sondaı-aq shaǵyn jáne orta bıznestiń ósýine múmkindik berý maqsatynda satyp alýǵa qatysý lımıtin belgileý josparlanýda. Bir kózden satyp alýdy odan ári qysqartý jalǵasatyn bolady», - dedi ol.
Mınıstr jetkizýshilerge qoıylatyn joǵary talaptardy boldyrmaý jáne sapaly taýarlar, jumystar men qyzmetterdi satyp alý úshin birizdendirilgen tehnıkalyq erekshelikterdi keńinen qoldaný josparlanyp otyrǵandyǵyn aıtty.
«Budan basqa, 2023 jyldan bastap ómirlik tsıkl qunyn paıdalana otyryp, satyp alýdyń jańa tásili engiziletin bolady. Bul da sapaly taýarlar, jumystar men qyzmetterdi satyp alýǵa yqpal etedi. Tapsyrys berýshilerge qoǵamdyq baqylaýdy jáne satyp alýdy júzege asyrý sapasyn arttyrý maqsatynda memlekettik organdardyń tıimdilik reıtıngin júrgizý jáne ony jarııalaý usynylady», - dedi Erulan Jamaýbaev.