Nartaı Bekejanov teatryna akademııalyq mártebe berildi
«Qyzylorda oblysynyń mádenıet, arhıvter jáne qujattama basqarmasynyń «Qyzylorda oblystyq Nartaı Bekejanov atyndaǵy qazaq mýzykalyq drama teatry» KMQK-na Qazaqstan Respýblıkasy Úkimetiniń 2019 jylǵy 24 qazandaǵy №800 qaýlysymen «Akademııalyq» mártebesi berildi. Bul jańalyq - Syr eli mádenıeti men óneriniń deńgeıi men sala mamandarynyń tynymsyz eńbekteriniń jemisi dep bilemiz», - dedi basqarma basshysy.
Óner ordasy Tuńǵysh Prezıdent - Elbasy Nursultan Nazarbaevtyń Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda kóptegen spektaklderdi kórermen nazaryna usynyp keledi. Sońǵy jyldarda Temirbek Júrgenov týraly «Temir narkom», ataqty aqyn Abaı Qunanbaev týraly «Abaı» spektaklderi kópshilikke jol tartty.
Akademııalyq teatr - jetekshi jáne tarıhy baı teatrlarǵa beriletin qurmetti ataq. Ol 1919 jyldan bastap engizilgen. Alǵashqy akademııalyq teatr ataǵy Reseıdiń baıyrǵy mýzeı jáne drama teatr ujymdaryna berildi. Elimizde 1937 jyly Qazaq drama teatryna, 1941 jyly Qazaqtyń opera jáne balet teatryna osyndaı márte berildi. Sondaı-aq, búginde mundaı mártebege Q.Qýanyshbaev atyndaǵy Memlekettik akademııalyq qazaq mýzykalyq drama teatry, M. Lermontov atyndaǵy memlekettik akademııalyq orys drama teatry ıe bolǵan.
Nartaı Bekejanov atyndaǵy teatr irgesi 1955 jyly Almaty oblysy Eńbekshiqazaq jáne Qaratal aýdandaryndaǵy jergilikti teatry negizinde uıymdastyrylǵan. 1960 jyly teatr Qyzylorda qalasyna kóshirildi. 1970 jyly Nartaı Bekejanovtyń esimi berildi.
Sondaı-aq, Qyzylordada jas ónerpazdar dástúrli án jáne kúı oryndaýda synǵa tústi.