Narko jáne psıhonevrologııalyq anyqtamany Telegram arqyly alýǵa bolady

ASTANA. QazAqparat - Budan bylaı narkologııalyq, psıhonevrologııalyq jáne týberkýlez dıspanserinen anyqtamany Telegram arqyly alýǵa bolady, dep habarlaıdy QazAqparat «Ulttyq aqparattyq tehnologııalar» AQ baspasóz qyzmetine silteme jasap.

@EgovKzBot Telegram-botynda densaýlyq saqtaý mınıstrliginiń qosymsha úsh qyzmeti iske qosyldy. Endi Telegram kómegimen azamattar kelesi qyzmetterdi suraı alady:

• Narkologııalyq dıspanserden anyqtama;
• Psıhonevrologııalyq dıspanserden anyqtama;
• Týberkýlez dıspanserinen uıymnan anyqtama berý.

Anyqtamalar tegin beriledi. Atalǵan anyqtamalardy onlaın rejımde alý jeńil, ári azamattardyń ýaqytyn aıtarlyqtaı únemdeıdi (mysaly, júrgizýshi kýáligin aýystyrǵan kezde).

Qyzmetti alý úshin «Mobıldi azamattar bazasynda» tirkelý qajet, ıaǵnı óz telefon nómirin eGov.kz portalynyń Jeke kabınetinde tirkep, ózińizdiń gadjetińizde, Telegram messendjerdegi botty iske qosý qajet (@EgovKzBot dep izdeý kerek).

Budan ári aldyn-ala belgilengen buıryqtardy joldaý jáne suranysty SMS-kod arqyly rastaý arqyly memlekettik qyzmetterdi alýǵa bolady, ári suraýlardyń nátıjesin birden paıdalanýshynyń elektrondyq poshtasyna jiberýge bolady.

Qazirgi ýaqytta Telegram-bot arqyly qol jetimdi servıster men qyzmetterdiń sany 20-ǵa jetti.