Narıman Tabynbaev pen Jandarbek Bekshın qandaı vaktsına saldyratynyn aıtty

ALMATY. QazAqparat – Almaty qalalyq Qoǵamdyq densaýlyq basqarmasynyń basshysy Narıman Tabynbaev pen qalalyq Sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın onlaın brıfıng barysynda qandaı vaktsına saldyratynyn aıtty, dep habarlaıdy QazAqparat tilshisi.

Narıman Tabynbaev óziniń koronavırýs juqtyryp, jazylyp shyqqanyn jetkizdi.

«Men jaqynda aýyryp turdym. Taıaýda antıdenelerge tıtr tapsyrdym. Taldaý qorytyndysy boıynsha onyń mólsheri jaqsy. Biraz ýaqyt ótken soń taǵy tapsyryp kóremin. Eger qajettilik bolsa, reseılik «Spýtnık Ý» vaktsınasyn saldyramyn», - dedi Narıman Tabynbaev.

Al Jandarbek Bekshın koronavırýspen 7 aı buryn aýyrǵanyn aıtty.

«Kórsetilim boıynsha 6 aı ótken bolsa, mindetti túrde ekpe alý kerek. Alaıda vaktsına óte az, jetkiliksiz. Men qazaqstandyq otandyq vaktsınany QazCovid-In saldyramyn dep otyrmyn. Sebebi, men úshin tuńǵysh qazaqstandyq vaktsınanyń sapasy qyzyqtyrady. Bul vaktsınany 70 jyldyq tarıhy bar ınstıtýt shyǵaryp otyr. Sondyqtan men mamandarǵa senemin», - dedi Bekshın.